డీఎస్సీ నియామకాల్లో అవకతవకలు జరిగాయని ఆరోపిస్తూ రాష్ట్రవ్యాప్తంగా నిరసనలకు వైసీపీ పిలుపునిచ్చింది. ఇందులో భాగంగా నారా లోకేష్ రాజీనామా చేయాలని ఆ పార్టీ నేతలు డిమాండ్ చేస్తున్నారు.
ఈ క్రమంలో విశాఖపట్నంలో ఉద్రిక్తత నెలకొంది. విశాఖ దక్షిణ నియోజకవర్గంలో వైసీపీ ర్యాలీ కోసం భారీ ఏర్పాట్లు చేయగా, పోలీసులు అప్రమత్తమయ్యారు. జగదాంబ జంక్షన్ వద్ద నిరసనకారులను పోలీసులు అడ్డుకున్నారు. శాంతిభద్రతల దృష్ట్యా నగరంలో భారీగా పోలీసు బలగాలను మోహరించారు.
