శ్రీశైలం దేవస్థానంలోని *స్వర్ణరథారూఢులైన స్వామిఅమ్మవార్లకు విశేషపూజలు* నంద్యాల జిల్లా శ్రీశైలం ఆగస్టు 10( గ్రామ దండోరా న్యూస్) ఆరుద్రా నక్షత్రాన్ని పురస్కరించుకుని స్వర్ణరథారూఢులైన శ్రీస్వామిఅమ్మవార్లకు విశేషపూజలు జరిపించబడ్డాయి.. అదేవిధంగా ఆ రోజు వేకువజామున శ్రీస్వామిఅమ్మవార్లకు వైదికపరమైన విశేషపూజలు నిర్వహించబడ్డాయి. అనంతరం స్వర్ణరథంపై కొలువై ఉన్న శ్రీస్వామిఅమ్మవార్లకు పూజాదికాలు జరిపించబడుతాయి. ఈ పూజాదికాలకు ముందుగా అర్చకస్వాములు లోకకల్యాణాన్నికాంక్షిస్తూ సంకల్పాన్ని పఠించారు. కాగా సకాలంలో తగినంత వర్షాలు కురిసి పంటలు బాగా పండి రాష్ట్రం సశ్యశ్యామలంగా ఉండాలనే సంకల్పంతో దేవస్థానం ఈ నెల 7వ తేదీ నుంచి 11వ తేదీ వరకు వరుణయాగ సహిత సహస్రఘటాభిషేకం విశేషపూజలను నిర్వహిస్తున్నందున ఈ స్వర్ణరథోత్సవ ఊరేగింపు నిలుపుదల చేయడం జరిగింది.ఈ పూజలలో దేవదాయశాఖ అదనపు కమిషనరు శ్రీఎస్.ఎస్.చంద్రశేఖర ఆజాద్, ధర్మకర్తల మండలి అధ్యక్షులు శ్రీ పోతుగుంట రమేష్‌నాయుడు, కార్యనిర్వహణాధికారి శ్రీ యం. శ్రీనివాసరావు, ధర్మకర్తల మండలి సభ్యులు శ్రీ ఎ.వి. రమణ, శ్రీమతి బి. రవణమ్మ, శ్రీ చిట్టిబొట్ల భరద్వాజశర్మ, శ్రీమతి జి. లక్ష్మేశ్వరి, శ్రీ దేవికి వెంకటేశ్వర్లు, శ్రీ మేడా మురళీధర్, శ్రీమతి యు. సుబ్బలక్ష్మీ, శ్రీమతి జిల్లెల శ్రీదేవి, ధర్మకర్తల మండలి ప్రత్యేక ఆహ్వానితులు శ్రీ కారుపర్తి నాగమల్లేశ్వరరావు, శ్రీ ఆకుల శ్రీనివాసులు తదితరులు పాల్గొన్నారు
శ్రీశైలం దేవస్థానంలోని *స్వర్ణరథారూఢులైన స్వామిఅమ్మవార్లకు విశేషపూజలు* నంద్యాల జిల్లా శ్రీశైలం ఆగస్టు 10( గ్రామ దండోరా న్యూస్)
